व्यासपीठ पुणेकरांचे

हा ब्लॉग म्हणजे पुणेकरांचं व्यासपीठ आहे. तुम्हाला पडलेले प्रश्‍न, तुमच्या समस्या सुचलेली उत्तरं, पाहिलेलं चांगलं काही आणि कोणाच्या तरी पाठीवर मारायची थाप... हे सारं तुम्ही इथे "शेअर' करू शकता. पोस्ट, फोटो आणि व्हिडिओ साऱ्यांचंच इथे स्वागत आहे.अट फक्त एकच एखाद्यानं मांडलेल्या समस्येवर, प्रश्‍नावर इतरांनी उत्तरं सुचवायची!

संडे स्पेशल

अवतीभवती घडणारं काही खास...निवडक म्हणजे "ई सकाळ'चं संडे स्पेशल. सरत्या आठवड्यातील चर्चेची घटना आणि मराठी साहित्यात पदार्पण केलेलं नवं कोरं पुस्तक, असे दर आठवड्याला स्पेशल विषय. खास संडे स्पेशलमध्ये.

<>

नववर्षाचा हाही एक मुड !


नववर्षाचं स्वागत "पार्टी मुड'मध्ये आपण सारेच करतो. निर्माण भारती फौंडेशन या स्वयंसेवी संस्थेनं मात्र गेले तीन वर्षे वेगळाच "मुड' जोपासला आहे, जो अगदी अनुकरणीय आहे.

"पार्टी'करून परतणाऱ्या काहींना अत्यंत दुर्देवी घटनांना सामोरे जावे लागते. बेधुंद अवस्थेत वाहने चालविताना अपघातही होतात. "निर्माण भारती'ने रात्री अकरा ते पहाटे पाच वाजेपर्यंत पुण्यात कात्रज, कात्रज डेअरी, शारदा आर्केड, पौड रोड आदी ठिकाणी जागता पहारा ठेवला आणि पाच जखमींना अगदी योग्यवेळी उपचार मिळवून दिले. "निर्माण भारती'ने त्यासाठी स्वतःची व्हॅनही सज्ज ठेवली होती.
पुण्याचा वाढता पसारा पाहता, अशा स्वयंसेवी संस्थांची तीव्र आवश्‍यकता जाणवते आहे. वेगवेगळ्या क्षेत्रात सेवाभावी कार्य करण्याची इच्छा असणाऱ्यांना अशा संस्था व्यासपीठही देत आहेत. "निर्माण भारती'सारख्या आणखीही संस्था पुढे याव्यात आणि पुण्यातील वाहतूक समस्या, प्रदूषण यावरही मार्ग निघावा, एवढीच इच्छा !

3 comments:

  1. nirman said...
     

    vey good work done by nirman bharati , they are giving life to wounded person.

    keep it up

  2. Anonymous said...
     

    how to get contact with nirman bharati people..?

  3. Anonymous said...
     

    ha ha ha

Post a Comment