व्यासपीठ पुणेकरांचे

हा ब्लॉग म्हणजे पुणेकरांचं व्यासपीठ आहे. तुम्हाला पडलेले प्रश्‍न, तुमच्या समस्या सुचलेली उत्तरं, पाहिलेलं चांगलं काही आणि कोणाच्या तरी पाठीवर मारायची थाप... हे सारं तुम्ही इथे "शेअर' करू शकता. पोस्ट, फोटो आणि व्हिडिओ साऱ्यांचंच इथे स्वागत आहे.अट फक्त एकच एखाद्यानं मांडलेल्या समस्येवर, प्रश्‍नावर इतरांनी उत्तरं सुचवायची!

संडे स्पेशल

अवतीभवती घडणारं काही खास...निवडक म्हणजे "ई सकाळ'चं संडे स्पेशल. सरत्या आठवड्यातील चर्चेची घटना आणि मराठी साहित्यात पदार्पण केलेलं नवं कोरं पुस्तक, असे दर आठवड्याला स्पेशल विषय. खास संडे स्पेशलमध्ये.

<>

मुलांना खड्ड्यातील पाण्यात का पोहावे लागते....?


पालिका उत्तर देईल काय?नागरिकांच्या पैशाच्या जोरावर पालिकेने लाखो रुपये खर्च करून मुलांसाठी जलतरण तलाव उभारला असेल आणि तो अजूनही मुलांना खुला करून मिळाला नसेल, तर मुलांनी पोहायचे कोठे? याचे उत्तर आज येरवडा येथे जलवाहिनी फुटून खड्ड्यात साचलेल्या पाण्यात पोहोणाऱ्या मुलांनी दिले... पण याच परिसरात जलतरण तलाव असूनही मुलांना या खड्ड्यात का पोहावे लागते, याचे उत्तर पालिकेला देता देईल का? विश्रांतवाडी येथील जलतरण तलावाचे उद्‌घाटन होऊन वर्ष उलटले तरीही अजूनही तो बंदच आहे.
लोहगाव विमानतळ रस्त्यावर नेताजी सुभाषचंद्र बोस महाविद्यालयासमोर काम सुरू आहे. आज दुपारी एकच्या सुमारास रस्त्यावरील खड्ड्यात जलवाहिनी फुटल्याने सुमारे दहा फूट उंचीचे कारंजे उडायला सुरवात झाली. नुकतीच शाळा सुटली होती. उन्हेही तापली होती. शाळेतील मुलांना या कारंज्यात सूर मारण्याची लहर आली अन्‌ एकापाठोपाठ असंख्य शाळकरी व परिसरातील मुले या खड्ड्यात उतरली. मुलांनी चिंब भिजण्याचा आनंद लुटला. मुलांचे पाण्यातील खेळणे पाहून, रस्त्याने ये-जा करणाऱ्यांच्या चेहऱ्यावरही हास्य उमटले.
विश्रांतवाडी रस्त्यावर जुना प्रभाग क्रमांक 9 गोल्फ क्‍लब येथे लाखो रुपये खर्च करून पालिकेने अत्याधुनिक व्यायामशाळा, जलतरण तलाव व योगा हॉल उभारला आहे. 8 डिसेंबर 2006 रोजी पुण्याचे खासदार सुरेश कलमाडी व आमदार चंद्रकांत छाजेड यांच्या हस्ते या इमारतीचे उद्‌घाटन झाले, असे येथे उभारण्यात आलेल्या कोनशिलेवर म्हटले आहे. उद्‌घाटन झाले म्हणजे नेत्यांची जबाबदारी संपते, हे एक वेळ नागरिक ऐकतील; पण पालिकेनेच पुढाकार घेऊन इमारत उभारली म्हणजे नागरिक तिचा लाभ घेत आहेत, असे पालिका जणू गृहीतच धरते. हा जलतरण तलाव कोणी तरी तात्पुरता सुरू केला होता; पण तो पुन्हा बंद झाला. जलतरण तलाव अजूनही पालिकेने ताब्यात घेतला नसल्याचेही समजते. हा तलाव सुरू असता तर रस्त्यातील खड्ड्यात साचलेल्या पाण्यात पोहोण्याची वेळ या मुलांवर आलीच नसती.

0 comments:

Post a Comment