"प्रोग्रेसिव्ह'ने दाखविली वाहतूकप्रश्‍नी वचनबद्धता
""प्रोग्रेसिव्ह एज्युकेशन सोसायटी'तील प्राध्यापक, शिक्षक आठवड्यातला एक दिवस खासगी वाहन बंद ठेवून सार्वजनिक वाहतुकीचा वापर करतील. पुढील काळात वाहतूक जनजागरणासाठी सातत्याने प्रयत्न आम्ही करू. संस्थेच्या शाखांमध्ये अंतर्गत वाहतूक व्यवस्था सुरू करण्याबाबतही पावले उचलली जातील,'' असे सांगत "प्रोग्रेसिव्ह'चे पदाधिकारी, शिक्षक आणि विद्यार्थी यांनी पुण्याच्या वाहतूक प्रश्‍नाबद्दल आपणाला असलेली जाण आणि वाटणारी चिंता व्यक्त केली. त्याचबरोबर वाहतुकीचे नियम पाळण्याची जबाबदारी प्रत्येक नागरिकाची आहे, याचीही जाणीव त्यांनी करून दिली.
"सकाळ'ने "जागर'मधून सातत्याने पुणे-पिंपरी-चिंचवडच्या वाहतूक प्रश्‍नाबाबत जनजागृती करण्याचे काम हाती घेतले आहे. "जागर'मधून शिक्षण संस्थांना वाहतुकीच्या प्रश्‍नाबाबत गांभीर्याने विचार करण्याचे आवाहन करण्यात आले होते. त्याला सक्रिय प्रतिसाद देताना प्रोग्रेसिव्ह एज्युकेशन सोसायटी विद्यार्थी, शिक्षक आणि कर्मचाऱ्यांच्या माध्यमातून जनजागृती सप्ताह राबविण्याचा निर्णय घेतला. प्रत्यक्ष रस्त्यावर उतरून असा प्रतिसाद देणारी प्रोग्रेसिव्ह एज्युकेशन सोसायटी ही पुण्यातली पहिली शिक्षण संस्था आहे. या सप्ताहाच्या निमित्ताने आज संस्थेच्या विविध शाखांमधील साडेचार हजार विद्यार्थी तसेच त्यांचे शिक्षक यांच्या सहभागातून वाहतूक जनजागरण रॅलीचे आयोजन करण्यात आले होते.
वाहतुकीच्या समस्येचा वेध घेणारे, सक्षम सार्वजनिक वाहतुकीची मागणी करणारे फलक घेतलेले हे विद्यार्थी रांगेने नरवीर तानाजी वाडी येथील साखर संकुलापासून निघाले आणि शिवाजीनगर येथे संस्थेच्या मैदानावर पोचले. या सुमारे दोन किलोमीटरच्या अंतरात विद्यार्थ्यांनी वाहतूक नियमांचे पालन, वाहतुकीच्या प्रश्‍नाबाबत नागरिकांची असलेली जबाबदारी, बेशिस्त वाहतुकीचे परिणाम, अशा विविध विषयांवर नागरिकांचे प्रबोधन केले. शहरातल्या महत्त्वाच्या रस्त्यांवर आणि चौकांमध्ये संस्थेतले विद्यार्थी वाहतूक प्रश्‍नाबाबत जनजागृती करणार आहेत. आठवडाभर रोज सकाळी व सायंकाळी दोन तास हे विद्यार्थी आपल्या शिक्षकांच्या मार्गदर्शनाखाली नागरिकांना वाहतुकीचे नियम पाळण्याबाबत आवाहन करणार आहेत. एवढेच करून संस्था थांबणार नाही, तर संस्थेतला शिक्षकवृंद आठवड्यातून एक दिवस आपले स्वतःचे वाहन बंद ठेवून सार्वजनिक वाहतूक व्यवस्थेचा वापर करणार आहे. "जागर'मध्ये करण्यात आलेल्या आवाहनानुसार संस्था स्वतःची खासगी वाहतूक व्यवस्थाही राबविण्याच्या विचारात आहे.
"सकाळ'ने "जागर'मधून सातत्याने पुणे-पिंपरी-चिंचवडच्या वाहतूक प्रश्‍नाबाबत जनजागृती करण्याचे काम हाती घेतले आहे. "जागर'मधून शिक्षण संस्थांना वाहतुकीच्या प्रश्‍नाबाबत गांभीर्याने विचार करण्याचे आवाहन करण्यात आले होते. त्याला सक्रिय प्रतिसाद देताना प्रोग्रेसिव्ह एज्युकेशन सोसायटी विद्यार्थी, शिक्षक आणि कर्मचाऱ्यांच्या माध्यमातून जनजागृती सप्ताह राबविण्याचा निर्णय घेतला. प्रत्यक्ष रस्त्यावर उतरून असा प्रतिसाद देणारी प्रोग्रेसिव्ह एज्युकेशन सोसायटी ही पुण्यातली पहिली शिक्षण संस्था आहे. या सप्ताहाच्या निमित्ताने आज संस्थेच्या विविध शाखांमधील साडेचार हजार विद्यार्थी तसेच त्यांचे शिक्षक यांच्या सहभागातून वाहतूक जनजागरण रॅलीचे आयोजन करण्यात आले होते.
वाहतुकीच्या समस्येचा वेध घेणारे, सक्षम सार्वजनिक वाहतुकीची मागणी करणारे फलक घेतलेले हे विद्यार्थी रांगेने नरवीर तानाजी वाडी येथील साखर संकुलापासून निघाले आणि शिवाजीनगर येथे संस्थेच्या मैदानावर पोचले. या सुमारे दोन किलोमीटरच्या अंतरात विद्यार्थ्यांनी वाहतूक नियमांचे पालन, वाहतुकीच्या प्रश्‍नाबाबत नागरिकांची असलेली जबाबदारी, बेशिस्त वाहतुकीचे परिणाम, अशा विविध विषयांवर नागरिकांचे प्रबोधन केले. शहरातल्या महत्त्वाच्या रस्त्यांवर आणि चौकांमध्ये संस्थेतले विद्यार्थी वाहतूक प्रश्‍नाबाबत जनजागृती करणार आहेत. आठवडाभर रोज सकाळी व सायंकाळी दोन तास हे विद्यार्थी आपल्या शिक्षकांच्या मार्गदर्शनाखाली नागरिकांना वाहतुकीचे नियम पाळण्याबाबत आवाहन करणार आहेत. एवढेच करून संस्था थांबणार नाही, तर संस्थेतला शिक्षकवृंद आठवड्यातून एक दिवस आपले स्वतःचे वाहन बंद ठेवून सार्वजनिक वाहतूक व्यवस्थेचा वापर करणार आहे. "जागर'मध्ये करण्यात आलेल्या आवाहनानुसार संस्था स्वतःची खासगी वाहतूक व्यवस्थाही राबविण्याच्या विचारात आहे.
प्रोग्रेसिव्ह एज्युकेशन सोसायटीने वाहतूक जनजागृती योजनेत पुढाकार घेऊन इतर शैक्षणिक संस्थांना आदर्श घालून दिला आहे. पुण्यातील समस्त बड्या शिक्षण संस्थांनी अशाप्रकारे पुढाकार घेतल्यास पुण्यातील वाहतूक समस्या सुटण्यास नक्कीच मदत होईल. आपल्याला काय वाटते याविषयी?
0 comments:
Post a Comment