व्यासपीठ पुणेकरांचे

हा ब्लॉग म्हणजे पुणेकरांचं व्यासपीठ आहे. तुम्हाला पडलेले प्रश्‍न, तुमच्या समस्या सुचलेली उत्तरं, पाहिलेलं चांगलं काही आणि कोणाच्या तरी पाठीवर मारायची थाप... हे सारं तुम्ही इथे "शेअर' करू शकता. पोस्ट, फोटो आणि व्हिडिओ साऱ्यांचंच इथे स्वागत आहे.अट फक्त एकच एखाद्यानं मांडलेल्या समस्येवर, प्रश्‍नावर इतरांनी उत्तरं सुचवायची!

संडे स्पेशल

अवतीभवती घडणारं काही खास...निवडक म्हणजे "ई सकाळ'चं संडे स्पेशल. सरत्या आठवड्यातील चर्चेची घटना आणि मराठी साहित्यात पदार्पण केलेलं नवं कोरं पुस्तक, असे दर आठवड्याला स्पेशल विषय. खास संडे स्पेशलमध्ये.

<>

असे आहे बजेट... (सिंहगड रोड विभाग)

काही दिवसांपूर्वी आपण कोथरूड परिसरासाठी असलेले बजेट पाहिले होते. हे बजेट आहे गेल्या काही वर्षांमध्ये प्रचंड वेगाने विकसित झालेल्या सिंहगड रस्ता परिसराचे. येथील प्रभागांमध्ये पायाभूत सुविधा उभारण्यासाठी सुमारे साडेसात कोटी रुपयांची तरतूद करण्यात आली आहे. त्यामधील सर्वाधिक तरतूद रस्त्यांच्या कामांसाठी आहे. या भागासाठी मोठी योजना सुचविण्यात आली नसली, तरी विठ्ठलवाडी येथील मैलापाणी शुद्धीकरण केंद्र पूर्ण करण्याच्या आणि बीआरटीच्या कामासाठी भरीव तरतूद आहे. आपल्या भागासाठीच्या तरतुदी आपल्याला माहित असाव्यात, त्याकडे लक्ष देता यावे, यासाठीचा हा प्रयत्न आहे. तुम्हाला काय वाटते? बजेट माहिती असल्यामुळे काही फरक पडेल का?

* देखभाल दुरुस्तीसह सुमारे साडेसात कोटी
* रस्त्यांच्या कामांसाठी सर्वाधिक तरतूद
* अस्तित्वातील सुविधांच्या देखभाल दुरुस्तीसाठी सुमारे तीन कोटी
* पर्यायी रस्ता विकास करण्यासाठी तरतूद नाही
* नागरिकांनी सुचविलेल्या कामांसाठी दीड कोटी
* स्वारगेट ते धायरीगाव बीआरटी प्रकल्पासाठी तरतूद
* विठ्ठलवाडी येथील मैलापाणी शुद्धीकरण प्रकल्प पूर्ण करण्यासाठी भरीव तरतूद
* पु. ल. देशपांडे उद्यानाच्या दुसऱ्या टप्प्यासाठी तरतूद
* उद्यानाशेजारी व्यायामशाळा आणि जलतरण तलावासाठी पंधरा लाख
* आनंदनगर-हिंगणे खुर्द येथे उद्यानासाठी आठ लाख
* आनंद नगर चौक ते हिंगणे चौक क्रॉस पुलासाठी बारा लाख
* वडगाव बुद्रुक या ठिकाणी भाजी मंडई, दवाखाना आणि सांस्कृतिक भवनासाठी 45 लाख


नियोजन नसल्यामुळे या भागाला काहीसे बकाल स्वरूप येऊ लागले आहे. या भागासाठी सिंहगड रस्ता हा एकमेव रस्ता असून, त्याला पर्यायी रस्ता नाही. यंदाच्या अर्थसंकल्पात पर्यायी रस्त्यांबरोबरच कोणत्याही मोठ्या प्रकल्पासाठी तरतूद करण्यात आलेली नाही. याउलट या भागातील अंतर्गत रस्त्यांची दुरुस्ती, धोकादायक खांब हलविणे आणि नवीन ठिकाणी प्रकाश व्यवस्था निर्माण करणे, आदी कामांसाठी भरीव तरतूद आहे. पायाभूत सुविधांच्या देखभाल-दुरुस्तीसाठी सुमारे तीन कोटी रुपयांची तरतूद आहे.
या भागातील रस्त्यांच्या कामांसाठी सुमारे पावणेतीन कोटी रुपये, विजेचे खांब बसविणे आणि धोकादायक खांब हलविण्याच्या कामांसाठी साडेआठ कोटी रुपये, नागरिकांनी सुचविलेल्या कामासाठी सुमारे दीड कोटी रुपये, तर गलिच्छ वस्ती निर्मूलन विभागातील कामांसाठी एक कोटी 43 लाख रुपयांची तरतूद करण्यात आली आहे. भाजीमंडई आणि पावसाळी गटारांच्या कामांसाठी ही तरतूद आहे.
याशिवाय जवाहरलाल नेहरू राष्ट्रीय पुनर्निर्माण योजनेअंतर्गत केंद्र आणि राज्य सरकारकडून महापालिकेस निधी प्राप्त होणार आहे. या निधीतून विठ्ठलवाडी येथील नदीपात्रालगतच्या मैलापाणी शुद्धीकरण प्रकल्पाचे काम पूर्ण करण्यासाठी मोठी तरतूद करण्यात आली आहे. तर स्वारगेट ते धायरीगाव दरम्यान बीआरटीचा प्रकल्प राबविण्यासाठी सुमारे एक कोटी 81 लाख रुपयांची तरतूद करण्यात आली आहे.
याशिवाय पु. ल. देशपांडे उद्यानाचा दुसरा टप्पा विकसित करण्यासाठीही या अर्थसंकल्पात तरतूद करण्यात आली आहे.

1 comments:

  1. Ajay said...
     

    i am staying at sinhgad road since two years and that road is becoming a trap of death day by day. no one is ready to look in to this. and this budget thing is only a poster to show nothng will happen in next 5 yrs. first of all who is going to solve the problem of DRINKING WATER. as we are drinking water from a well inspite of purification thing is ready.

Post a Comment