पुणे प्रतिबिंब

Read this news from eSakal -

एकात्मिक रस्ते विकास योजने'अंतर्गत महापालिकेने हाती घेतलेल्या शहरातील दोन महत्त्वाच्या रस्त्यांची कामे अद्याप पूर्ण झालेली नाहीत. मुदतीपूर्वी ही कामे होऊ न शकल्यामुळे यंदाच्या पावसाळ्यात नागरिकांना त्याचा त्रास सहन करावा लागणार असल्याचे स्पष्ट झाले आहे. दोन रस्ते म्हणजे कर्वे रस्ता आणि कुमठेकर रस्ता! पावसाळा सोडून काम पूर्ण करण्याची मुदत नऊ महिने असताना या दोन्ही रस्त्यांची कामे अद्याप न झालेली नाहीत. हे दोन्ही रस्ते अत्यंत वर्दळीचे आहेत. त्यामुळे कर्वे रस्ता दुरुस्तीच्या कामाचा तृतीय वर्धापनदिन साजरा करण्याची अभिनव कल्पना सजग नागरिक मंच आणि परिवर्तन ट्रस्टने मांडली आहे. ता. १६ मे रोजी ग्राहक पेठेचे सूर्यकांत पाठक यांच्या उपस्थितीत हा सोहळा साजरा केला जाणार आहे. या कार्यक्रमास समस्त कर्वे रस्ता दुरुस्तीग्रस्त नागरिकांनी या कार्यक्रमास उपस्थित राहावे, असे आवाहनही मंचाचे विवेक वेलणकर आणि डॉ. शैलेश गुजर यांनी एका निमंत्रण पत्रिकेद्वारे केले आहे, तर कुमठेकर रस्ता दोन कोटी रुपये खर्चून टिळक चौक ते विश्रामबाग वाडादरम्यानच्या रस्त्याचे कामदेखील अपूर्ण आहे. या कामाची मुदतही उलटून गेली आहे. शहरातील अत्यंत महत्त्वाच्या समजल्या जाणाऱ्या रस्त्यांची ही सद्यःस्थिती.