व्यासपीठ पुणेकरांचे

हा ब्लॉग म्हणजे पुणेकरांचं व्यासपीठ आहे. तुम्हाला पडलेले प्रश्‍न, तुमच्या समस्या सुचलेली उत्तरं, पाहिलेलं चांगलं काही आणि कोणाच्या तरी पाठीवर मारायची थाप... हे सारं तुम्ही इथे "शेअर' करू शकता. पोस्ट, फोटो आणि व्हिडिओ साऱ्यांचंच इथे स्वागत आहे.अट फक्त एकच एखाद्यानं मांडलेल्या समस्येवर, प्रश्‍नावर इतरांनी उत्तरं सुचवायची!

संडे स्पेशल

अवतीभवती घडणारं काही खास...निवडक म्हणजे "ई सकाळ'चं संडे स्पेशल. सरत्या आठवड्यातील चर्चेची घटना आणि मराठी साहित्यात पदार्पण केलेलं नवं कोरं पुस्तक, असे दर आठवड्याला स्पेशल विषय. खास संडे स्पेशलमध्ये.

<>

पॉटरमॅनिया...

पॉटरमॅनिया सध्या पुणेकरांवरही जादू करून आहे. "हॅरी पॉटर अँड द ऑर्डर ऑफ द फिनिक्‍स' या पॉटर मालिकेतला आणखी एक चित्रपट आज प्रदर्शित झालाय. पुस्तक मालिकेतील अखेरचा भाग, असे भाकीत वर्तवल्या जाणाऱ्या "हॅरी पॉटर अँड द डेथली हॅलोज'च्या जवळपास सगळ्या प्रती बाजारात येण्यापूर्वीच "आरक्षित' झाल्याहेत..
पुण्यात विविध दुकानांत मिळून या पुस्तकाच्या जवळपास दहा हजार प्रती येतील. २१ जुलैला हे पुस्तक बाजारात येतंय. विशेष म्हणजे पुस्तकाची किंमत ९७५ रुपये असूनही ९० टक्के प्रती आरक्षित झाल्याहेत. त्यामुळे २१ जुलैला पहाटेपासूनच दुकानांबाहेर रांगा लागतील, असे चित्र आहे. हॅरी पॉटरचं पुस्तक म्हणजे यशाची खात्री, हे समीकरण डोळ्यांसमोर ठेवून पुस्तक विक्रेत्यांनी नवनवी "मार्केटिंग गिमिक्‍स'ही सुरू केली आहेत.

हॅरी पॉटरचं यश खरंच अद्‌भूत आहे...या यशापासून शिकण्यासारखं खूप काही आहे. पुस्तकाचं मार्केटिंग कसं करावं, खपवावं कसं इथंपासून ते लहान मुलांना वाचायची सवय पुन्हा लावण्यापर्यंत अनेक गोष्टी हॅरी पॉटरनं दिल्या. तुम्हाला काय शिकता आले...? आणि समजा आपण ठरवंल, मराठीत हॅरी पॉटर तयार करायचा, तर...?




2 comments:

  1. Rajan said...
     

    "Faster Phene" ha marathi madhil Harry Potter hovu shakto.

  2. Anonymous said...
     

    As per my Friends (Potter Lover) views and Mine 2 - Movie bakwas ahe, ani specially jyani pustak wachale asel tyani tar bilkul tras gheu naye movie baghanyacha...

Post a Comment