व्यासपीठ पुणेकरांचे

हा ब्लॉग म्हणजे पुणेकरांचं व्यासपीठ आहे. तुम्हाला पडलेले प्रश्‍न, तुमच्या समस्या सुचलेली उत्तरं, पाहिलेलं चांगलं काही आणि कोणाच्या तरी पाठीवर मारायची थाप... हे सारं तुम्ही इथे "शेअर' करू शकता. पोस्ट, फोटो आणि व्हिडिओ साऱ्यांचंच इथे स्वागत आहे.अट फक्त एकच एखाद्यानं मांडलेल्या समस्येवर, प्रश्‍नावर इतरांनी उत्तरं सुचवायची!

संडे स्पेशल

अवतीभवती घडणारं काही खास...निवडक म्हणजे "ई सकाळ'चं संडे स्पेशल. सरत्या आठवड्यातील चर्चेची घटना आणि मराठी साहित्यात पदार्पण केलेलं नवं कोरं पुस्तक, असे दर आठवड्याला स्पेशल विषय. खास संडे स्पेशलमध्ये.

<>

स्वच्छ पुण्याचा ध्यास धरू



हिरव्यागार टेकड्यांचे पुणे शहर गेल्या काही वर्षांपासून लोकांची-वाहनांची गर्दी, नद्यांची भीषण अवस्था व कचऱ्याच्या समस्येसाठी ओळखले जाऊ लागले आहे. आपले वैयक्तिक जीवन, आपले कुटुंब निरोगी राहण्यासाठी आपले शहरच आधी निरोगी झाले पाहिजे. त्यासाठी सर्वांनी स्वच्छतेबाबतच्या सवयींमध्ये बदल करणे आवश्‍यक आहे. दैनिक "सकाळ' व काही व्यक्ती, तसेच संस्थांनी पहिले पाऊल टाकले आहे.

सोलापूर रस्त्यावरील "मगरपट्टा सिटी' या विशाल आकाराच्या वसाहतीने मात्र पुणेकरांच्या "चालायचंच,' या वृत्तीला छेद देत "हे चालू देणार नाही,' असा पवित्रा घेतला आहे. या ठिकाणी सदनिका किंवा बंगला विकत घेणाऱ्यांशी स्वच्छतेबाबत आधीच करार करण्याची नवी प्रथा संबंधित मालमत्ता विकणाऱ्यांनी सुरू केली आहे. मॉडेल कॉलनीतल्या "वृंदावनम्‌ अपार्टमेंट्‌स'च्या रहिवाशांनी याबाबत दक्ष राहून सुरवात केली आहे. तेथे तर गांडूळ प्रकल्पाची अंमलबजावणीही सुरू झालेली असून, आता फक्त कोरडा कचराच ते बाहेर देतात. बिबवेवाडी व धनकवडी परिसरातल्या नव्या वसाहतींनी मुद्दाम जाऊन बघावेत, असे काही प्रकल्प त्या परिसरात चाललेले आहेत. कोथरूड, पौड रस्ता, मध्य वस्तीतला नवी पेठसारखा भागही यात मागे नाहीत.

शिवाजीनगर परिसरातील विद्यार्थी सहायक समितीच्या लाजपतराय भवनमधील विद्यार्थ्यांनी केलेली साफसफाई इतरांना बरेच काही शिकवून जाणारी आहे. पुणे विद्यापीठातील विद्यार्थ्यांनी पालखीच्या वेळी संबंधित मार्गाची स्वच्छता ठेवली; तसेच पावसानंतर नदीची स्वच्छता करण्यासाठी विशेष प्रयत्न केले ते, त्यांना पाठ्यक्रमापलीकडे खूप काही देऊन गेले असणार. भोसरीतील सुंदरबाई मराठे विद्यालयातील विद्यार्थीही परिसरसफाई हा महत्त्वाचा धडा रोज गिरवीत आहेत.

हे सारे केले नाही, तर पुण्यात आपल्याला राहायला जागा उरणार नाही, अशी भीती वाटण्याजोगे कोरड्या कचऱ्याचे ढीग नव्याने उभे राहत आहेत.

तुम्ही व्यक्तिगत किंवा सोसायटीच्या पातळीवर स्वच्छतेसंदर्भात काही करता आहात ? असल्यास तो इथं जरूर शेअर करा. स्वच्छतेसंदर्भात तुमच्या सूचनाही मांडा. शिवाय आपल्या भागातल्या कचऱ्याची छायाचित्रही द्या.


अमोद साने यांचा उपक्रम पाहण्यासाठी इथे क्लिक करा

4 comments:

  1. Anonymous said...
     

    Vaiyaktik patalee var kahee goshtee sarvach manase karoo shakatat.
    1 aapalya gharateel kachara baher ooghadyavar kimva rastyavar / galary khalee na takane .
    2 ola aanee suka kachara vegvegala karoon tyachee yogya tee mhanaje kamitkamee mahapalikechya dabyat takoon vilhevat lavane .
    3 aapalya gharee aalelya plastik chya pishavya ekade tikade na takane
    4 aapalya gharateel kamavalya bayakanna ya baddal jagaruk karane
    5 aapan roj bhajee gheto tya raojachya bhajeevalee la ya baddal sahaj jata jata boloon jagaruk karane ( halli barech bhajeevale javal ek pote kacharyasathee thevatat)
    6 baher kuthehee jatana ekhadee plastik chee pishavee barobar tevavee ,tyat khallelya shenga ,fanasachya biya vagaire kimava agadee jahirateeche milanaree bills hee takata yetat .
    7 cinema la jatana he ashee pishavee barobar tevavee ,mulana tyat kachara takayachee savay lavavee .
    Ashya kahee savayee laoon ghetalyas sarvajaneek swachchatet nakkich farak padalela disel.
    sulabha bhide

  2. Ramesh said...
     

    I fully support the views expressed by sulabha bhide.we have to have a descipline in public life also. all this happens as we do not care for descipline. indians working in gulf or any where abroad follow the traffic and cleanliness rules of that country because they get caught and punished on the spot. police will never take any bribe. but no sooner they land in india they spit every where, break traffic rules and are happy about it,this has to end. a strong political will and and a team of clean officers can do this.

  3. Anonymous said...
     

    I am sagar shelar I just want to tell concern authority of PMC that whatevever garden we have in the city.We should have big pits available in the same garden where nearby citizens as well as PMC staff can collect the wet garbage, and outcome of the same can be use for the same garden for free and citizens for low cost also.

  4. Unknown said...
     

    Watch "my eco-friendly discovery - mosquito killer trap" This is my contribution to prevent pollution .

    Link -http://www.instructables.com/id/MOSQUITO-KILLER-TRAP/

Post a Comment