व्यासपीठ पुणेकरांचे

हा ब्लॉग म्हणजे पुणेकरांचं व्यासपीठ आहे. तुम्हाला पडलेले प्रश्‍न, तुमच्या समस्या सुचलेली उत्तरं, पाहिलेलं चांगलं काही आणि कोणाच्या तरी पाठीवर मारायची थाप... हे सारं तुम्ही इथे "शेअर' करू शकता. पोस्ट, फोटो आणि व्हिडिओ साऱ्यांचंच इथे स्वागत आहे.अट फक्त एकच एखाद्यानं मांडलेल्या समस्येवर, प्रश्‍नावर इतरांनी उत्तरं सुचवायची!

संडे स्पेशल

अवतीभवती घडणारं काही खास...निवडक म्हणजे "ई सकाळ'चं संडे स्पेशल. सरत्या आठवड्यातील चर्चेची घटना आणि मराठी साहित्यात पदार्पण केलेलं नवं कोरं पुस्तक, असे दर आठवड्याला स्पेशल विषय. खास संडे स्पेशलमध्ये.

<>

पारा चढतोय... काळजी घ्या...


पुण्याचे तापमान 40 पर्यंत पोचले आहे. लहान-मोठ्या सगळ्यांनाच उन्हाचा त्रास होतो आहे. थोडी काळजी घेतली, तर हा उन्हाळा काही प्रमाणात तरी सुसह्य होईल.

दररोज कमीतकमी 8 ते 12 ग्लास पाणी घ्यायला हवे.
सकाळी नाश्‍ता करण्यापूर्वी एक ग्लास लिंबूपाणी घ्यावे. यामुळे शरीराला नवा तजेला मिळतोच, पण त्याचबरोबर पित्ताशय व मूत्रपिंड यांची कार्यक्षमताही वाढते. त्यानंतरचा नाश्‍ताही हलकाच असावा.
कलिंगड, द्राक्षे, काकडी, अननस, केळी, लिंबू यांचे ज्यूस पिणे चांगले. हे रस गोड, थंड आणि पचायलाही हलके असतात.
रोजच्या आहारात दही, ताक, दूध यांचा समावेश असावा.
आंबट, तिखट आणि कोरडे अन्नपदार्थ खाऊ नका. त्याऐवजी लस्सी, दूध यांचा समावेश जेवणात करावा. काहीसे तूपही चालेल.
मांस खाणे शक्‍यतो टाळावे. त्याऐवजी सोयाबीनचा वापर करावा. मासे अधिक उत्तम. यामध्ये अ, ब, ड व ई जीवनसत्त्व असते व शिजतातही लवकर.
कॉफी व मद्य यांचेही प्रमाण कमी करावे.
एसीमधून एकदम उन्हात जाऊ नका. थोडावेळ एसी नसलेल्या सावलीच्या ठिकाणी थांबा, म्हणजे शरीराचे तापमान बाहेरच्या तापमानाशी जुळवून घेऊ शकेल.

उन्हाळी कपडे

काळपट रंगांचे कपडे म्हणजे काळे, भडक रंगांचे कपडे वापरू नका. त्यामुळे शरीराचे तापमान वाढेल. दुसरी गोष्ट, या ऋतूमध्ये टेरिकॉट किंवा सिल्कचे कपडे वापरू नका. साधारण फिकट रंगाचे कॉटनचे कपडे (ज्यात पांढऱ्या रंगाचा जास्त वापर असेल) वापरणे अधिक चांगले.

मानसिक संतुलन
या काळात मानसिक संतुलन स्थिर ठेवणे तितकेच गरजेचे असते. उकाड्यामुळे चिडचिड वाढलेली असते. त्यासाठी एक दिवसाआड तरी एखाद्या वनराईत किंवा पाणी असलेल्या ठिकाणी फिरायला जा. त्यामुळे तुम्हाला चांगला "ब्रेक' मिळेल.
शक्‍य तेवढे शांत झोपा. मनाला आनंद देईल असा दिवस घालवा. या दिवसात थंड पाण्याने अंघोळ केल्यास अधिक चांगले.
शिवाय फावल्या वेळात थंडगार पदार्थाची चव चाखण्यास काहीच हरकत नाही. फक्त आइस्क्रीम खाताना जरा जपून. खाताना हा प्रकार थंड लागत असला तरी बर्फ उष्ण आहे, हे विसरू नका.

लक्षात असू द्या

अति खाण्यावर नियंत्रण ठेवा
जेवणात विविधता ठेवा
जडान्नापेक्षा पातळ आहार आणि पाणी अधिक चांगले
जेवणात किंवा सरबत-रसात जास्त मीठ वापरू नका
खाता खाताच पेय घेऊ नका.

2 comments:

  1. captsubh said...
     

    A very timely & perhaps much needed guidance reminder taking into consideration all important relevant aspects of care during the extra-ordinary heat persisting this summer for weeks!A very good social service through the newspaper blog media!Many thanks.

  2. HAREKRISHNAJI said...
     

    खुप छान किहीले आहेत. उन्हात जाताना टोपी घालावी वा छत्री जरुर घावी. cold driks अजीबात पियु नयेत. माठातील, वाळा घातलेले पाणी उत्तम. तेलकट, तुपकटही खाउ नये.

Post a Comment