येत्या वर्षभरात पुण्यात आणखी ३५ हजार मोटारी?
दुचाकी घ्यायची की मोटार, असा पर्याय टाटा कंपनीच्या एक लाख रुपयांच्या मोटारीमुळे ग्राहकांना मिळणार आहे. असोसिएटेड चेंबर्स ऑफ कॉमर्स अँड इंडस्ट्री ऑफ इंडियाने (असोचेम) केलेल्या पाहणीत, दुचाकी वाहनांची २५ टक्के बाजारपेठ ही मोटार काबीज करेल, असे दिसून आले आहे. ....
पुण्यातील दुचाकींच्या एवढ्या ग्राहकांनी या मोटारीला पसंती दिल्यास वर्षभरात आणखी सुमारे ३५ हजार मोटारी शहरातील रस्त्यांवरून धावू लागतील.
जगातील वाहनउद्योगाचे लक्ष वेधून घेतलेल्या टाटा कंपनीच्या एक लाखाच्या मोटारीचे दर्शन गुरुवारी दिल्लीतील "ऑटो एक्‍स्पो' प्रदर्शनात झाले. टाटा समूहाचे अध्यक्ष रतन टाटा यांचे स्वप्न या मोटारीमुळे साकारले. देशातील मध्यम व कनिष्ठ मध्यम वर्गाच्या स्वत:च्या मोटारीची स्वप्नपूर्ती या मोटारीमुळे शक्‍य होईल. त्यामुळे हे स्वप्न प्रत्यक्षात कसे असेल, या उत्सुकतेपोटी त्यांचेही डोळे या मोटारीकडे होते.
"टाटा मोटर्स'चे पुण्यातील वितरक बी. यू. भंडारी आणि पंडित ऑटोमोटिव्ह यांच्या शोरूममध्ये दिवाळीपासूनच या मोटारींची विचारपूस ग्राहकांकडून होत आहे. माध्यमांमधून या मोटारीची चर्चा होऊ लागल्यावर मोटारीची माहिती घेणाऱ्यांच्या संख्येत वाढ झाली आहे. उद्या प्रदर्शनात "दर्शन' देणारी ही मोटार विक्रीसाठी येत्या जूनपर्यंत उपलब्ध होईल, असे सांगण्यात येत आहे. या मोटारीची चाचणी गेल्या काही महिन्यांपासून पुणे-मुंबई द्रुतगती महामार्ग व कात्रज घाटात करण्यात आली. मात्र, मोटारीची ओळख गुलदस्तात ठेवण्यासाठी त्यावर आवरणे घालून चाचणी झाली. ६६० सीसी क्षमतेची ही मोटार प्रतिस्पर्धी कंपनीच्या आठशे सीसी मोटारीची बरोबरी करणारी आहे, असे सांगण्यात आले.
पुण्यातील वाहनांची संख्या १५ लाख, तर पिंपरी-चिंचवडमधील वाहनांची संख्या पाच लाखांवर पोचली आहे. पुणे व पिंपरी-चिंचवडमध्ये गेल्या वर्षभरात दीड लाख दुचाकी वाहनांची नोंद झाली. "असोचेम'च्या पाहणीनुसार, यातील २५ टक्के वाटा या मोटारीला मिळाल्यास वर्षभरात ३५ हजार मोटारी पुणे व पिंपरी-चिंचवडमध्ये धावताना दिसतील. या मोटारीच्या माध्यमातून साकारणारे स्वप्न पूर्ण करण्यासाठी काही रक्कम जादा मोजावी लागल्यास त्याचीही तयारी पाहणीतील ९० टक्के जणांनी दाखविली आहे.
आता, प्रश्न फक्त इतकाच आहे, की आपले रस्ते इतक्या मोटारी सामावून घेण्याइतके सक्षम आहेत का...?
-- मनीष कांबळेपुण्यातील दुचाकींच्या एवढ्या ग्राहकांनी या मोटारीला पसंती दिल्यास वर्षभरात आणखी सुमारे ३५ हजार मोटारी शहरातील रस्त्यांवरून धावू लागतील.
जगातील वाहनउद्योगाचे लक्ष वेधून घेतलेल्या टाटा कंपनीच्या एक लाखाच्या मोटारीचे दर्शन गुरुवारी दिल्लीतील "ऑटो एक्‍स्पो' प्रदर्शनात झाले. टाटा समूहाचे अध्यक्ष रतन टाटा यांचे स्वप्न या मोटारीमुळे साकारले. देशातील मध्यम व कनिष्ठ मध्यम वर्गाच्या स्वत:च्या मोटारीची स्वप्नपूर्ती या मोटारीमुळे शक्‍य होईल. त्यामुळे हे स्वप्न प्रत्यक्षात कसे असेल, या उत्सुकतेपोटी त्यांचेही डोळे या मोटारीकडे होते.
"टाटा मोटर्स'चे पुण्यातील वितरक बी. यू. भंडारी आणि पंडित ऑटोमोटिव्ह यांच्या शोरूममध्ये दिवाळीपासूनच या मोटारींची विचारपूस ग्राहकांकडून होत आहे. माध्यमांमधून या मोटारीची चर्चा होऊ लागल्यावर मोटारीची माहिती घेणाऱ्यांच्या संख्येत वाढ झाली आहे. उद्या प्रदर्शनात "दर्शन' देणारी ही मोटार विक्रीसाठी येत्या जूनपर्यंत उपलब्ध होईल, असे सांगण्यात येत आहे. या मोटारीची चाचणी गेल्या काही महिन्यांपासून पुणे-मुंबई द्रुतगती महामार्ग व कात्रज घाटात करण्यात आली. मात्र, मोटारीची ओळख गुलदस्तात ठेवण्यासाठी त्यावर आवरणे घालून चाचणी झाली. ६६० सीसी क्षमतेची ही मोटार प्रतिस्पर्धी कंपनीच्या आठशे सीसी मोटारीची बरोबरी करणारी आहे, असे सांगण्यात आले.
पुण्यातील वाहनांची संख्या १५ लाख, तर पिंपरी-चिंचवडमधील वाहनांची संख्या पाच लाखांवर पोचली आहे. पुणे व पिंपरी-चिंचवडमध्ये गेल्या वर्षभरात दीड लाख दुचाकी वाहनांची नोंद झाली. "असोचेम'च्या पाहणीनुसार, यातील २५ टक्के वाटा या मोटारीला मिळाल्यास वर्षभरात ३५ हजार मोटारी पुणे व पिंपरी-चिंचवडमध्ये धावताना दिसतील. या मोटारीच्या माध्यमातून साकारणारे स्वप्न पूर्ण करण्यासाठी काही रक्कम जादा मोजावी लागल्यास त्याचीही तयारी पाहणीतील ९० टक्के जणांनी दाखविली आहे.
आता, प्रश्न फक्त इतकाच आहे, की आपले रस्ते इतक्या मोटारी सामावून घेण्याइतके सक्षम आहेत का...?
